Revestimentos prefabricados: estética, axilidade e economía
Os revestimentos prefabricados de Finsa foron a solución idónea para reconverter este hotel dos anos oitenta que dispoñía dun orzamento e de prazos de execución moi axustados.
«Sempre pensamos nas innovacións importantes que Finsa lle ofreceu ao mercado, con taboleiros planos e melaminas, entre outros, que ofrecen unha gran calidade a prezos adecuados para este tipo de elementos»
Equipo REQUENA Y PLAZA.
Ás veces, resulta complicado escoller materiais cando os proxectos veñen delimitados por prazos de execución e orzamentos axustados. Requena y Plaza tiña entre mans a remodelación dun hotel tradicional dos anos oitenta situado nas Palmas de Gran Canaria. O desafío non era menor: tiñan que trasladalo ao século XXI ao prezo máis axustado e no menor tempo de realización posible. «Vimos clara a solución a través dos revestimentos prefabricados de Finsa, que nos aseguraron cumprir coas premisas que establecera o cliente», detallan desde o estudo.
«Este tipo de madeira técnica achega principalmente calidade e uniformidade nos materiais que se empregan», explican. Ademais, engaden que «o produto combina dous requisitos imprescindibles no sector: a nivel técnico, ofrece unhas funcionalidades moi boas e, a nivel estético, logra conseguir uns resultados atractivos».
Por que se decantou o estudo polas solucións de Finsa? En Requena y Plaza aclaran que non teñen ideas prefixadas para escoller fornecedores de materiais. «Primeiro, estudamos o informe do cliente e, despois, formulamos o obxectivo e desenvolvemos a idea, que adoita poderse atinxir por distintos medios en relación cos posibles materiais. Por último, escollemos o fornecedor que consideramos que pode ser máis adecuado para os intereses do proxecto».
Pódese apreciar a aplicación de Fimaplast Roble Aurora Atlas, Roble Virginia Poro Profundo e Roble Hera Sega nos cuartos (mobiliario, cabeceiro, armario e escritorio) e nas zonas comúns (mobiliario). Decantámonos polos materiais de Finsa pola «facilidade que nos brindaba á hora de recibir mostras para referendar as ideas que tiñamos para o proxecto, ademais de pola súa ampla carta de acabados», afirman en Requena y Plaza.
En última instancia, malia non dispoñer de fornecedores fixos, no estudo valoran «as innovacións importantes que Finsa lle ofreceu ao mercado, con taboleiros planos e melaminas, entre outros, que ofrecen unha gran calidade a prezos adecuados para este tipo de elementos».