Madeira de carballo para pasar do mundo en liña á tenda física

«ESTE FOI O NOSO PRIMEIRO PROXECTO DE DESEÑO DE INTERIORES PARA RETAIL. GRAZAS A EL, COMEZAMOS A COLABORAR CON OUTRAS MARCAS QUE ESTÁN DANDO O SALTO DO MUNDO DIXITAL Á TENDA E AO ESPAZO DE VENDA FÍSICOS»
Ricardo Fernández, arquitecto de Estudio DIIR.

Comocombinar a tradición, a artesanía e a xuventude dun negocio que fundou un emprendedor de 23 anos? A zapatería Diplomatic, situada en Madrid, apostouno todo ao carballo para reflectir as súas marcas de identidade. O estudo de arquitectura DIIR deseñou esta tenda física coa premisa de aproveitar un espazo pequeno mediante as elevacións laterais, onde a madeira de carballo constitúe o dispositivo da bancada corrediza e de almacenamento.
 

Que desafíos lle xurdiron a Estudio DIIR neste primeiro proxecto de deseño de interiores para retail? En primeiro lugar, a rapidez coa que conviña executar a reforma. «Os proxectos de retail teñen fases moi axustadas en canto ao tempo de desenvolvemento e execución», detalla Ricardo Fernández, arquitecto. «Escoller os materiais adecuados e tomar as decisións correctas resulta fundamental», sentencia.

Na elección dos materiais, Fernández destaca a colaboración de Finsa «imprescindible pola variedade de madeiras que contén no catálogo, o asesoramento e a fiabilidade á hora de enviar mostras», indica. Fibranatur Roble Rústico foi a solución que se escolleu para revestimentos e mobiliario. «Unha elección ideal para asociarse aos valores de tradición e artesanía», conclúe Fernández.

O segundo gran reto do proxecto tivo que ver coa execución do alzado no que se exporía o produto. As baldas son unhas láminas de aceiro continuas e delgadas de 3 mm de grosor e 3,40 metros de longo. Debido ao seu peso e lonxitude, foi necesario idear un detalle específico para a súa execución: unha subestrutura de perfís metálicos, agochada detrás do extradorso de pedra Campaspero, que aparafusa as baldas de maneira horizontal por toda a súa lonxitude. Isto provoca a ilusión de que as láminas nacen das gretas da propia pedra. Así, a paleta neutra do aceiro e a pedra déixanlle todo o protagonismo á cor, textura e forma dos zapatos.