Dúas marcas hoteleiras nun mesmo proxecto
A madeira técnica axudou a cambiar radicalmente a imaxe deste hotel
«PRECISABAMOS UNS MATERIAIS QUE NOS AXUDASEN A LIGAR AS DÚAS MARCAS HOTELEIRAS E A DE RESTAURACIÓN NO MESMO ESPAZO»
Eva Prego, deseñadora de interiores de Stone Designs.
Novotel & Ibis Styles Madrid City Las Ventas era unha obra emblemática para a cadea: supoñía un cambio radical de imaxe con dúas marcas de categorías diferentes (Ibis Styles e Novotel). Nas zonas comúns, precisaban uns materiais que axudasen a ligar as dúas firmas hoteleiras e a de restauración: «Conseguimos crear un espazo que funciona como un todo, pero no que se pode diferenciar o sabor de cada un dos seus compoñentes», detalla Eva Prego, deseñadora de interiores de Stone Designs.
O proxecto implicaba acabados naturais, algo que Stone Designs atopou nos produtos de Finsa: «A variedade que nos ofrece sempre consegue adaptarse á estética dos nosos traballos. Ademais da estética, Finsa asegúranos a calidade e durabilidade dos elementos seleccionados», recalca Prego.
«Contar con Finsa garante cumprir cos requirimentos dun proxecto con estas características en termos de resistencia, durabilidade e normativa», asegura Prego. Eva tamén resalta a asistencia técnica e o asesoramento que Finsa ofreceu, ademais da adaptación aos prazos e a proporción do subministro.
En Stone Designs tentan marcar a pegada do estudo «mediante todos os detalles, todas as pezas deseñadas á medida e esa calidez que se lles atribúe aos nosos proxectos», detalla Prego. Neste hotel conseguiron que o espazo tamén sexa perfecto para o público xeral, un lugar «no que gozar dun serán nun ambiente deseñado para vivilo», conclúe.
