Colorido de revista a un edificio de art nouveau
Esta reforma dun apartamento no barrio barcelonés de El Born foi unha das obras de maior renome do estudo Colombo and Serboli Architecture.
«O produto de Finsa proporcionoulle tres peculiaridades indispensables ao proxecto: converteuno en destacable, fotoxénico e resistente».
Andrea Serboli, arquitecto.
A familia Klinker, procedente de California, quería darlle unha vida nova a un piso de 75 metros cadrados do tradicional barrio barcelonés de El Born que empregaba como segunda vivenda para visitar nas vacacións. Tiñan claro que querían recuperar os detalles de art nouveau de principios do século XIX e combinalos coa linguaxe da arquitectura contemporánea. O resultado foi de tal calibre que mereceu artigos en revistas como Dezeen ou Yellow Trace.
O estudo Colombo and Serboli Architecture apostouno todo pola cor para delinear as distintas áreas dun espazo que non sufriu cambios estruturais. Pensaron en xogar coas áreas existentes e outorgarlles un sentido novo mediante o cambio de significado e de uso pero sen mover as paredes. En definitiva, tratábase dunha reinterpretación do lugar.
«O produto de Finsa outorgoulle ao proxecto tres peculiaridades indispensables: fíxoo atractivo, fotoxénico e resistente», engade Andrea Serboli, arquitecto. A madeira técnica foi a solución empregada tanto na cociña como nos baños. «Mostrou ser unha opción óptima a nivel de cor e calidade», detalla Serboli. Nas imaxes, podemos apreciar os característicos tons alaranxados de Fibraplast Terracota Soft III e Sahara Soft III.
Un dos piares fundamentais do proxecto era darlle ao apartamento un atractivo que o adaptase para o uso turístico e, debido a isto, cun orzamento axustado. «Sen dúbida, esta é unha das características dos nosos proxectos: crear espazos que repercutan nunha revalorización», explican no estudo.
Se che gustou este caso de estudo, cóntanos que che pareceu en Facebook, Instagram, LinkedIn ou Twitter.