Voltamos a HIP cunha proposta de espazos interiores flexibles, sostibles e cheos de deseño

Desde hoxe e ata o mércores, estaremos en Horeca Professional Expo (HIP) cun posto de 20 m² deseñado por JJaime Beriestain Studio. A nosa proposta baséase en como crear interiores flexibles, sostibles (con certificacións como Cradle to Cradle, PEFC e FSC, entre outras) e cheos de deseño, como demostra a selección de máis de vinte acabados de Finsa Design e Finfloor que poderás ver no noso espazo. Ademais do produto aplicado, no posto poderás resolver dúbidas técnicas, de deseño ou de certificación de sustentabilidade cos profesionais dos departamentos de Consultoría Técnica e Produto de Finsa.. 
 

Novidades, tons e deseños premiados
O posto conta con máis de vinte acabados, entre os que se inclúe o pavimento Finfloor Roble Vera Dulzura y Claridad XL, que gañou o premio RED DOT 2023 na categoría de deseño de produto. Trátase dun material innovador pola súa alta calidade, que está dispoñible en 24 lamas diferentes, proporcionando case 11 m2 sen repetición. Xunto coa tecnoloxía Durable, permite a instalación de ata 144 m2 sen perfís de expansió..

Tamén destacan as novidades de Finsa Design no revestimento curvo principal do posto: Nogal Fausto Etna, Aruba Tostado Calypso, Saona Cognac Bolero e Nogal Barisan. Este revestimento proporciona unha solución directa para zonas curvas en HPL (laminado de alta presión).

As bases de madeira revelan o universo de tons de Finsa Design: dende o vermello (Rojo Tassili Soft III, Rojo Tassili Calypso, Mármol Artemisa Teide e Technical Matt Sunset Terracota) ata o verde (Fibrapan Tex Flute e Pirámide lacados e Mármol Flora Teide).

As tendencias en acanalados e liñas verticais tamén están presentes a través de alternativas decorativas (Calypso en madeira ou monocolor), chapa natural (Barisan en 3 especies), Fibracolour ou taboleiros texturizados.