Participamos na 15.ª Conferencia Española de Passivhaus
Estaremos como empresa patrocinadora técnica, como expositor de produtos que cumpren con esta norma e como organizador dun obradoiro práctico sobre a instalación en interiores do taboleiro certificado SuperPan Tech P5.
Renovamos o noso compromiso coa construción de alta eficiencia enerxética na Conferencia Española de Passivhaus, que celebran a súa 15.ª edición esta semana, do 29 de novembro ao 1 de decembro.
A nosa participación por sétimo ano consecutivo consistirá no patrocinio técnico, nun posto e unha sesión práctica. No posto, situado na zona C1, mostraremos dúas maquetas cun sistema de armazón lixeiro e diferentes solucións de fachada.
O xoves 30 ás 14:00 horas, realizaremos unha demostración da instalación interior do taboleiro Passivhaus superPan Tech P5, dirixida polo noso compañeiro Manuel Lobo, deseñador certificado en Passivhaus e membro do equipo de consultoría técnica de Finsa.
SOLUCIÓNS PASSIVHAUS DE FINSA
Sabías que temos tres produtos con certificación Passivhaus? Trátase de taboleiros estruturais Superpan H Tech P5 (15 e 18mm) e Superpan VapourStop. Estes taboleiros ofrecen unha alta hermeticidade, resistencia á flexión e elasticidade transversal e lonxitudinal. Polo tanto, están certificados como compoñentes para lograr a hermeticidade dos edificios.
No evento, mostraremos outras solucións que facilitan a obtención da certificación Passivhaus para proxectos e que acreditan a nosa evolución na procura de produtos que acaden a excelencia en eficiencia enerxética:
● Fibrapan RWH, un taboleiro de MDF con alta difusión de vapor de auga, que axuda a controlar a condensación en envolventes e está deseñado para empregarse como soporte para acabados exteriores e cubertas.
● O sistema Gradpanel de Gradhermetic con Thermopine (liña de madeira maciza) de Savia, que consiste en celosías de piñeiro termotratadas e deseñadas para o control solar.
● As Fachadas ventiladas de Savia feitas de madeira termotratada.
● Os paneis estruturais de madeira laminada para uso estrutural de Xilonor, a nosa liña CLT.
