Materiais Finsa en hospitality: casos de éxito
De establecementos de grandes cadeas a selectos hoteis boutique, pasando polos novos hostel, hoxe repasamos casos de éxito no emprego das solucións decorativas Finsa en interiorismo hostaleiro.
Os materiais Finsa pódense aplicar en calquera estancia dun hotel. Desde a máis luxosa suite á recepción, pasando polos espazos comúns ou as áreas de restauración, a nosa gama de produtos ofrece alternativas para todos os estilos decorativos e todos os orzamentos. A mellor maneira de mostralo é a través desta recompilación de casos de éxito nos que se empregaron.
Grandes cadeas hoteleiras: RIU Plaza de España e Novotel Madrid Center
A calidade dos nosos materiais vén avalada polas grandes compañías hoteleira. Unha das últimas en confiar en nós foi RIU Hoteis para o seu recentemente estreado Hotel RIU Plaza España, situado en plena Gran Vía. Os acabados en madeira Nogal Victoria e Roble Aurora da nosa Gama Dúo achegan elegancia e confort no mobiliario das habitacións e o revestimento da área de recepción, as salas de reunións, corredores e zonas comúns.
Tamén na capital de España atópase o Novotel Madrid Center, o hotel con maior capacidade da cadea. O grupo IHP someteuno a unha renovación para levalo cara a un estilo contemporáneo e elegante na que os nosos materiais achegan calidade, deseño e funcionalidade. O hotel xoga cos tons terrosos, nos que encaixan á perfección o noso Roble Sinatra empregado no mobiliario das habitacións, pero tamén o Visón Chic do revestimento da zona de entrada.
Hoteis boutique: Pestana Collection e One Shot
O Hotel Pestana Plaza Mayor de Madrid é un coidado hotel boutique situado nun edificio histórico, do que Estudio b76 tomou a inspiración para crear un lugar único e con personalidade. Entre os moitos detalles de deseño exclusivo que inclúe atópanse os escritorios e as mesas das súas habitacións, que incorporan a calidade da madeira co noso acabado Roble Hera Sega, combinada cunha estrutura de aceiro.
Os hoteis boutique One Shot son outro escaparate perfecto para os materiais Finsa. O Hotel One Shot Mercat 09 é un lugar singular, composto por 22 habitacións todas diferentes entre si. Para garantir o confort dos seus hóspedes prestouse especial atención aos acabados, entre os que nos atopamos diferentes deseños da nosa Gama Dúo aplicados no panelado dos seus corredores e as zonas sociais.
Os novos albergues
Os albergues xa non son eses espazos reservados a mochileiros con pouco orzamento. 2060 The Newton Hostel & Market é a mostra: un espazo creativo e de deseño deseñado por Wanna One. As súas liteiras foron realizadas con melamina Verde Oxford da Gama Duo de Finsa de maneira personalizada, adaptándose a cada unha das habitacións para garantir un bo descanso pero, ao mesmo tempo, fomentar a interactividade entre os viaxeiros.
Inndex
O espazo de exposicións da consultora hostaleira Inndex é outro dos espazos onde arquitectos e decoradores especializados en hospitality poden ver os nosos produtos aplicados. Chapas de madeira natural, melaminas da Gama Dúo, chans Finfloor… Os produtos habitualmente prescritos pola consultora mostran aquí a súa mellor cara.
