Finsa e Espacio Aretha colaboran no desenvolvemento de solucións á medida en proxectos de equipamento integral dos sectores de retail, hospitality e workplace

Finsa e Espacio Aretha unen os seus intereses estratéxicos no mundo do proxecto á medida e personalizado mediante un acordo de colaboración polo que a firma con sede en Galicia e principal produtora de taboleiros da Península Ibérica pretende gañar máis presenza no desenvolvemento de solucións á medida en proxectos de equipamento integral nos sectores de retail, hospitality e de workplace.

A sede nova de Espacio Aretha en Madrid, que é un verdadeiro punto de encontro para arquitectos e deseñadores de interiores no relativo ao equipamento dos seus proxectos, representa o que ámbalas dúas firmas pretenden desenvolver no futuro en colaboración con profesionais da arquitectura. Falamos de materiais novos que creou Finsa e que se transformaron  e personalizaron para executar deseños singulares de estantes, librerías, armarios, revestimentos de paredes (para o que se utilizaron Fibraplast Roble Bello Supermate, FIbracolor Negro Plast Roble Bello e White Supermate), mesados, zonas Agile de formación con paneis verticais en 'encerado' branco e negro (con Fibraplast White SR209 Glow e Negro Glow), así como revestimentos de escaleiras e gradas de alta resistencia (con taboleiro SuperPan).

Este espazo novo, que é un punto de encontro para profesionais, recibirá sistematicamente as novidades de produtos que se desenvolvan para interior e exterior. Deste xeito, os profesionais da arquitectura e do deseño de interiores terán máis facilidades para buscar solucións técnicas de alto valor engadido no desenvolvemento de proxectos á medida que, ademais, conten con todos os selos de calidade e funcionalidade esixibles na edificación.

Ademais, Finsa participa este xoves, 25 de outubro da man de Jacinto Seguí, Director de Consultoría Técnica,  na segunda sesión de «Conversas con Aretha #2: deseño industrial e sostibilidade» na que se debaterá acerca do desafío que supón actualmente o desenvolvemento de produtos de maneira sostible e o seu impacto ambiental desde distintas visións profesionais. Pilar Marcos, a Directora da revista Diseño Interior, moderará a sesión.