Finsa presenta as novidades da gama Studio

Coñecemos a importancia do táctil á hora de apreciar un bo deseño. Por iso, a gama Studio nace coa intención de crear superficies versátiles con texturas únicas, profundas e a rexistro. Polo tanto, combina funcionalidade e deseño de vangarda. 

Esta colección de deseños está especialmente recomendada para mobles e carpintería de interiores, revestimentos ou frontes para oficinas, e cociñas e baños, o que supón tantas oportunidades como deseños, creando así unha colección máis flexible para diferentes espazos. 
 

Ademais, Finsa ofrece tanto cantos como laminados para garantir unha axeitada combinación coas superficies de decoración. Entre as moitas vantaxes que atopamos, a gama Studio ten a opción de textura a rexistro e textura profunda. 

Seguindo coas novidades, atopamos a gama Studio coa superficie decorativa de dobre cara, que achega un gran valor en espazos e proxectos. 

Tamén destaca a propiedade antibacteriana, pola que estas superficies decorativas inhiben o crecemento ou proliferación de bacterias, é dicir, impiden a súa reprodución e fomentan o envellecemento e a morte das bacterias. Este efecto mantense durante toda a vida útil do produto.